#qonunchilik
**
📢 YOSHLAR UCHUN IMTIYOZLI KREDITLAR**
Prezidentimizning [PQ–210-son qaroriga ](https://lex.uz/uz/docs/-8239691#-8241662)**muvofiq, yoshlar tadbirkorligini qoʻllab-quvvatlash va bandligini taʼminlash maqsadida quyidagi imtiyozli kreditlar ajratiladi:
**
Aloqabankning “Yoshlar biznesi” dasturi doirasida 31 yoshga toʻlmagan yoshlarga Markaziy bank asosiy stavkasidan 4 foizlik punkt yuqori stavkada, 7 yilgacha muddatga (asosiy qarzdan 1 yilgacha, foiz toʻlovlaridan 3 oygacha imtiyozli davr bilan) kreditlar ajratiladi.
▫️xorijiy til, raqamli texnologiyalar va zamonaviy kasblarni oʻrganish xarajatlari uchun — 20 mln soʻmgacha;
▫️zamonaviy kasblar, shu jumladan, SMM, mobilografiya, frilanserlik, internet (onlayn) doʻkonlar tashkil etish va oʻzini oʻzi band qilish loyihalari uchun — 50 mln soʻmgacha;
▫️kasanachilik, tikuvchilik va qayta ishlash loyihalari uchun — 50 mln soʻmgacha;
▫️novvoychilik va shirinliklar tayyorlash hamda sotish loyihalari uchun — 100 mln soʻmgacha;
▫️savdo shoxobchalari tashkil etish uchun — 200 mln soʻmgacha;
▫️yoʻlovchi tashish va yuk yetkazib berish loyihalari uchun — 300 mln soʻmgacha.
Oʻzmilliybankning “Kelajakka qadam” dasturi doirasida “Kelajak tadbirkori” loyihasi boʻyicha 31 yoshga toʻlmagan yoshlarga Markaziy bank asosiy stavkasidan 1 foizlik punkt yuqori stavkada kreditlar ajratiladi:
▫️oʻzini oʻzi band qilgan va biznesni ilk bor boshlayotgan talaba va yoshlarga — 20 mln soʻmgacha (garovsiz, 18 oygacha, 6 oy imtiyozli davr bilan);
▫️zarur biznes koʻnikmaga ega boʻlib, tadbirkorlik subyekti sifatida mustaqil biznes boshlash uchun — 300 mln soʻmgacha (5 yil muddatga, 1 yil imtiyozli davr bilan);
▫️faoliyatini kengaytirayotgan yosh tadbirkorlarga — 2 mlrd soʻmgacha (7 yil muddatga, 2 yillik imtiyozli davr bilan).
▫️Shuningdek, talaba va yoshlarni ish bilan taʼminlagan tadbirkorlik subyektlariga ishlab chiqarish va xizmat koʻrsatish loyihalari uchun 10 mlrd soʻmgacha kredit ajratiladi.
Bunda har 2 mlrd soʻm kredit uchun kamida 2 nafar talaba yoki yosh ishga qabul qilinishi lozim.
🔍Ushbu maʼlumotni tadbirkorlik faoliyatini boshlamoqchi bo'lgan yoshlarga ulashing.
⚡️[ISHGA MARHAMAT KANALI](https://t.me/asaka_ishga_marhamat) ✔️— Bo‘sh ish o‘rinlariga oid eng so‘ngi ma’lumotlar kanaliga obuna bo‘ling!
